monumenta.ch > Plinius > sectio 24
Word Selection for Searching
Report an Error in this Sectio
Plinius, Naturalis Historia, 37, 24
{IX} Iuba auctor est et in quadam insula Rubri maris ante Arabiam sita nasci, quae Necron vocetur, et in ea, quae iuxta gemmam topazum ferat, cubitalemque effossam a Pythagora Ptolemaei praefecto; Cornelius Bocchus et in Lusitania perquam mirandi ponderis in Ammaeensibus iugis, depressis ad libramentum aquae puteis.